Տեղեկատվական կենտրոն
Նորություններ
Քննարկվել է մարզում մտավոր խնդիր ունեցող անձանց ցերեկային խնամքի եւ առօրյա զբաղվածության կազմակերպման ծրագիրը
02.09.2019
Մարզպետ Համբարձում Մաթեւոսյանն այսօր ընդունել է <<Երջանկության ճանապարհ>> բարեգործական հասարակական կազմակերպության համահիմնադիրներ Մարիամ Երիցյանին եւ Գուրգեն Զուրնաչյանին:
Կազմակերպության պատասխանատուները մարզպետին ներկայացրել են իրենց գործունեության ծրագիրը, որի շրջանակում նախատեսվում է միջազգային դոնոր կազմակերպությունների հետ համատեղ ապահովել 18-65 տարեկան մտավոր խնդիր ունեցող անձանց ցերեկային խնամքն ու առօրյա զբաղվածությունը` ներդնելով ԱՄՆ-ում գործող նմանատիպ ցերեկային խնամք իրականացնող կազմակերպությունների կողմից մատուցվող ծառայությունների մոդելը: Ծրագրի շրջանակում նախատեսվում է նաեւ շահառուների համար սննդի ապահովում, այցելություն պատմամշակութային օջախներ եւ այլ վայրեր:
Մարզպետ Համբարձում Մաթեւոսյանը ողջունել է կազմակերպության նախաձեռնությամբ մարզում նման ծրագրի իրականացման գաղափարը` պատրաստակամություն հայտնելով մարզպետարանի լիազորությունների շրջանակում հնարավոր աջակցություն ցուցաբերել այն իրականություն դարձնելուն: