Տեղեկատվական կենտրոն
Նորություններ
Քննարկվել է մարզի բնակավայրերի անվանափոխման ենթակա տեղանունների հարցը
06.09.2019
ՀՀ Արմավիրի մարզպետ Համբարձում Մաթեւոսյանն այսօր խորհրդակցություն է անցկացրել բնակավայրերի անվանափոխման ենթակա համայնքների ղեկավարների եւ մարզպետարանի ոլորտային պատասխանատուների մասնակցությամբ, որի ընթացքում քննարկվել է կրկնվող եւ անբարեհունչ անվանումներով համայնքների անվանափոխման հարցը:
Ներկայացնելով ՀՀ կադաստրի կոմիտեի անվանափոխումների մասնագիտական հանձնաժողովի կողմից կազմված Արմավիրի մարզի անվանափոխության ենթակա համայնքների ցանկը եւ առաջարկվող անվանումները` մարզպետ Համբարձում Մաթեւոսյանն իր հերթին առաջարկել է համայնքների ղեկավարներին 10-օրյա ժամկետում ուսումնասիրել, քննարկել եւ մարզպետարան ներկայացնել համապատասխան ավագանու որոշում, իսկ բացասական եզրակացության դեպքում ներկայացնել նոր հիմնավորված անվանում:
Քննարկման արդյունքում պայմանավորվածություն է ձեռք բերվել նաեւ համայնքների անվանափոխության հարցի շուրջ համայնքներում կազմակերպել հանրային լսումներ: