Տեղեկատվական կենտրոն
Նորություններ
Մարզպետ Համբարձում Մաթեւոսյանն այցելել է «Կարաս Վայնս» ընկերություն
10.09.2019
ՀՀ Արմավիրի մարզպետ Համբարձում Մաթեւոսյանն այսօր այցելել է «Կարաս Վայնս» ընկերություն («ՏԻԵՌԱՍ ԴԵ ԱՐՄԵՆԻԱ» ՓԲԸ): «Կարաս» գինու գործարանի տնօրեն Խուլիանա Դել Ագիլայի եւ այլ պատասխանատուների ուղեցությամբ մարզպետը շրջել է գործարանի հիմնական արտադրամասերում, եղել ժամանակակից տեխնոլոգիաներով հագեցած խաղողի այգիներում, ծանոթացել կաթիլային ոռոգման համակարգի գործածությանը եւ հակակարկտային ցանցերով բնական աղետներից պաշտպանության իրականացմանը։
Համբարձում Մաթեւոսյանին տեղեկացվել է, որ ընկերությունը զբաղեցնում է մոտ 2300 հա տարածք, որից ավելի քան 400 հեկտարի վրա խաղողի այգի է հիմնված։ Խաղողի այգիներում աճեցնում են ինչպես միջազգային, այնպես էլ տեղական տեսակներ, այդ թվում` Շարդոնիե, Վիոնիե, Սովինիոն Բլան, Կանգուն, Վոսկեհաթ սպիտակ եւ Մալբեկ, Թանատ, Մեռլո, Կաբերնե Ֆրան, Կաբերնե Սովինիոն կարմիր գինիների համար։ «Կարասն» արտահանվում է Ռուսաստանի Դաշնություն, Ամերիկայի Միացյալ Նահանգներ եւ Եվրոպական մի շարք երկրներ: Գինիները լայն սպառում են ապահովում հատկապես տեղական շուկայում:
Ամփոփելով այցելությունը` մազպետը նշել է, որ «Կարաս» գինու գործարանը, խաղողի այգիներն ու նորագույն տեխնոլոգիաներն իրենց նշանակությամբ բացառիկ են հայաստանյան տնտեսությունում եւ նոր աշխատելաոճ, մոտեցումներ ու մտածելակերպ են թելադրում: