Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետն ընդունել է Կարատեի համահայկական ասոցիացիայի նախագահ Կամսար Ավետիսյանին եւ Արմավիրի Շոտոկան կարատե֊դո խմբի մարզիչներին
12.09.2019
ՀՀ Արմավիրի մարզպետ Համբարձում Մաթեւոսյանն այսօր ընդունել է Կարատեի համահայկական ասոցիացիայի նախագահ Կամսար Ավետիսյանին եւ Արմավիրի Շոտոկան կարատե֊դո խմբի մարզիչներին:
Հանդիպմանը Կարատեի համահայկական ասոցիացիայի նախագահը մարզպետին է ներկայացրել Արմավիրի Շոտոկան կարատե֊դո խմբի 20-ամյա գործունեությունը եւ աշխարհի, Եվրոպայի, Հայաստանի տարբեր առաջնություններում ունեցած մեծաթիվ հաջողությունները: Կամսար Ավետիսյանը նշել է նաեւ, որ մարզչական գործունեության ընթացքում մեծ ուշադրություն են դարձնում մատաղ սերնդի հայեցի դաստիարակությանը եւ երկրի ու ժողովրդի համար արժանապատիվ քաղաքացի կրթելուն:
Ողջունելով Կարատեի համահայկական ասոցիացիայի եւ Արմավիրի Շոտոկան կարատե֊դո խմբի գործունեությունը` Համբարձում Մաթեւոսյանը նրանց մաղթել է նորանոր ձեռքբերումներ եւ հաջողություններ` ի պատիվ Հակաստանի Հանրապետության եւ Արմավիրի մարզի: Նա պատրաստակամություն է հայտնել իր իրավասությունների եւ ոլորտը համակարգող օրենսդրության շրջանակներում աջակցել մարզաձեւի զարգացմանը:
Հանդիպման ավարտին Կարատեի համահայկական ասոցիացիայի նախագահը մարզպետ Համաբարձում Մաթեւոսյանին հրավիրել է մասնակցելու հոկտեմբերի 26-ին Արմավիրի մարզադպրոցում նախատեսվող Շոտոկան կարատե-դո-ի 14-րդ բաց առաջնությանը:
