Արմավիրի մարզպետի աշխատակազմ

Համայնքների տնտեսական եւ սոցիալական զարգացմանն ուղղված ՀՀ կառավարության 2019 թվականի սուբվենցիոն ծրագրերի շրջանակում սահմանամերձ Մարգարա համայնքում սկսվել են մանկապարտեզի շենքի կապիտալ վերանորոգման աշխատանքները:

Ծրագրի նախագծանախահաշվային արժեքը 25 մլն 898.66 հազար դրամ է, որից ՀՀ պետական բյուջեից տրամադրվող սուբվենցիայի չափաբաժինը կազմում է 16 մլն 834.13 հազար դրամ, իսկ համայնքի մասնակցությունը` 9 մլն 064.53 հազար դրամ, համապատասխանապար 65 եւ 35 տոկոս:

***
Արմավիրի մարզի 40 համայնքի կողմից մարզպետարան ներկայացված սուբվենցիոն 45 ծրագրից Տարածքային կառավարման եւ ենթակառուցվածքների նախարարություն է ներկայացվել 37 ամբողջական փաթեթ, 3 ծրագրային հայտի առնչությամբ ժամկետների երկարաձգման միջնորդություն, իսկ 5 ծրագրային հայտի մասով էլ ծրագրից հրաժարվելու մասին համայնքների ղեկավարների հիմնավորմամբ գրություն:

Ընդհանուր առմամբ, Արմավիրի մարզից սուբվենցիաներ ստանալու համար ծրագրային հայտերի գնահատման միջգերատեսչական հանձնաժողովի յոթ նիստի ընթացքում քննարկվել եւ հավանության է արժանացել մարզից ներկայացված 36 ծրագիր: