Տեղեկատվական կենտրոն
Նորություններ
Մարզպետը մասնակցել է Ամերիաբանկի նորաբաց «էջմիածին» մասնաճյուղի բացմանը
16.10.2019
ՀՀ Արմավիրի մարզպետ Համբարձում Մաթևոսյանն Ամերիաբանկի մանրածախ բանկինգի տնօրեն Արման Բարսեղյանի, Էջմիածնի քաղաքապետ Դիանա Գասպարյանի հետ այսօր մասնակցել է Ամերիաբանկի նորաբաց «էջմիածին» մասնաճյուղի բացմանը:
«Սա նոր հնարավորություն է մեր քաղաքացիներին ավելի բարձր որակով սպասարկելու, նաև հնարավորություն՝ ներկայացնել համաֆինանսավորման և սուբսիդավորման վարկերը և ստեղծել նոր աշխատատեղեր, ինչը շատ ողջունելի է: Արդեն հաստատվել է համագործակցային շղթա մարզպետարանի, քաղաքապետարանի և բանկի միջև հետագա ծրագրերի իրականացման համար»,- իր խոսքում նշել է մարզպետ Համբարձում Մաթևոսյանը:
Մարզպետին տեղեկացվել է, որ «Էջմիածին» մասնաճյուղն առաջարկվում է արտոնյալ պայմաններով ծառայություններ բոլոր այն ֆիզիկական և իրավաբանական անձանց, որոնք կդառնան Ամերիաբանկի հաճախորդ՝ հաշիվ բացելով Ամերիաբանկի «էջմիածին» մասնաճյուղում մինչև 2020 թ. հունվարի 31-ը ներառյալ:
«Նորաբաց «էջմիածին» մասնաճյուղում ներկայացված է բանկի ծառայությունների ամբողջ սպեկտրը` բիզնես վարկերից մինչև ֆիզիկական անձանց վարկավորում, գործառնական ծառայություններից մինչև ավանդային ծառայություններ: Տարվա սկզբից Ամերիաբանկն ամեն ամիս ներկայացրել է նոր պրոդուկտ, օրինակ՝ մենք առաջինը ներդրեցինք ֆիզիկական անձանց թվային վարկերը, ինչից հետո նաև բիզնես թվային վարկերը: Նորարարական լուծումներ գտնելով՝ մենք շարունակելու ենք մեր գործունեությունը»,-ասել է Ամերիաբանկի մանրածախ բանկինգի տնօրենը:
«էջմիածին» մասնաճյուղի տարածքում տեղադրված են կանխիկի մուտքագրման բանկոմատ և վճարային տերմինալ: Իսկ հաճախորդների բարձրակարգ սպասարկումը կապահովի ընդարձակ, հարմարավետ և նորագույն տեխնիկայով հագեցած մասնաճյուղի պրոֆեսիոնալ աշխատակազմը: