Արմավիրի մարզպետի աշխատակազմ

Համայնքների տնտեսական և սոցիալական զարգացմանն ուղղված ՀՀ կառավարության 2019 թվականի սուբվենցիոն ծրագրերի շրջանակում Մայիսյան համայնքում ավարտվել են գլխավոր թիվ 1 փողոցի փոսային և ընդհանուր հիմնանորոգման, մի հատվածի բարեկարգման և ասֆալտապատման աշխատանքները:

Ծրագրի նախագծանախահաշվային արժեքը 17 մլն 497.8 հազար դրամ է, որից ՀՀ պետական բյուջեից տրամադրվող սուբվենցիայի չափաբաժինը կազմել է 31.42% (5 մլն 497.8 հազար դրամ), իսկ համայնքի մասնակցությունը` 68.58% (12 մլն դրամ):

Նշված փողոցը սկսվում է Երևան-Արմավիր մայրուղուց և կապում է համայնքի բոլոր փողոցները: Փողոցի վրա են գտնվում բուժամբուլատորիան, մշակույթի տունը, առևտրի ծառայությունները, համայնքապետարանը և մանկապարտեզը:

Ծրագրի արդյունքում, ընդհանուր առմամբ, իրականացվել է 1620 քմ կամ 324 գծմ ասֆալտապատում և 550 քմ կամ 110 գծմ փոսային նորոգում:
Ծրագրի շահառուների թիվը 1450 է: