Տեղեկատվական կենտրոն
Նորություններ
Սարդարապատ համայնքում ավարտվել են են խմելաջրի ցանցի մի մասի վերանորոգման աշխատանքները
30.10.2019
Համայնքների տնտեսական և սոցիալական զարգացմանն ուղղված ՀՀ կառավարության 2019 թվականի սուբվենցիոն ծրագրերի շրջանակում Սարդարապատ համայնքում ավարտվել են խմելաջրի ցանցի մի մասի վերանորոգման աշխատանքները:
Ծրագրի նախագծանախահաշվային արժեքը կազմել է 30 մլն 641.62 հազար դրամ, որից ՀՀ պետական բյուջեից տրամադրվող սուբվենցիայի չափաբաժինը եղել է 16 մլն 852.89 հազար դրամ, իսկ համայնքի մասնակցությունը` 13 մլն 788.73 հազար դրամ:
Ջրամատակարարման համակարգի հիմնանորոգված հատվածի երկարությունը 3812 գծմ է: Ծրագրի արդյունքում իրականացվել է պոլիէթիլենային խողովակաշարերի անցկացում և միացում գործող մետաղական խողովակաշարին, որն ընդգրկում է համայնքի 23-րդ և 25-րդ փողոցներն ամբողջությամբ, իսկ 1-ին, 9-րդ, 12-րդ և 24-րդ փողոցները` մասնակի:
Ծրագրի շահառու հանդիսացող համայնքի 700 բնակիչ ապահովվել է որակյալ խմելու ջրով, 8-ժամյա ջրամատակարարման ցանցով, կրճատվել է նաև խմելաջրի կորուստը: