Տեղեկատվական կենտրոն
Նորություններ
Ասֆալտապատվել է Դալարիկ համայնքի կենտրոնական փողոցը
06.11.2019
Համայնքների տնտեսական և սոցիալական զարգացմանն ուղղված ՀՀ կառավարության 2019 թվականի սուբվենցիոն ծրագրերի շրջանակում Դալարիկ համայնքում ավարտվել են համայնքի Կոմիտաս փողոցի ասֆալտապատման աշխատանքները:
Ծրագրի նախագծանախահաշվային արժեքը կազմել է 20 մլն 587.7 հազար դրամ, որից ՀՀ պետական բյուջեից տրամադրվող սուբվենցիայի չափաբաժինը և համայնքի մասնակցությունը համապատասխանաբար եղել է 10 մլն 293.9 հազարական դրամ:
Իրականացված աշխատանքների արդյունքում ասֆալտապատվել է համայնքի կենտրոնական համարվող Կոմիտասի փողոցը՝ ընդհանուր 4095.8 քմ մակերեսով: Այս փողոցում են գտնվում համայնքի եկեղեցին, մշակույթի տունը, միջնակարգ և երաժշտական դպրոցները, մանկապարտեզը, բուժամբուլատորիան, հայփոստի բաժանմունքը և համայնքապետարանը։
Ծրագրի շահառու է հանդիսանում Դալարիկի և հարակից համայնքների ավելի քան 16525 բնակիչ։