Տեղեկատվական կենտրոն
Նորություններ
Համբարձում Մաթևոսյանն ընդունել է մարզի երկկողմանի ծնողազուրկ երեխաներին
25.12.2019
Ամանորին ընդառաջ ՀՀ Արմավիրի մարզպետ Համբարձում Մաթևոսյանն այսօր ընդունել և նվերներ է հանձնել մարզի երկկողմանի ծնողազուրկ երեխաներին:
Ջերմ և անմիջական հանդիպման ընթացքում մարզպետը զրուցել է երեխաների հետ, հետաքրքրվել նրանց նախասիրություններով և ապագայի հետ կապված ծրագրերով` վստահեցնելով, որ մարզային իշխանությունը միշտ նրանց կողքին է` պատրաստ միասնական կերպով հաղթահարելու բոլոր խնդիրները:
Շնորհավորելով երեխաներին գալիք տոների կապակցությամբ` մարզպետ Համբարձում Մաթևոսյանը ցանկացել է, որ իրականություն դառնան նրանց մաքրամաքուր և նվիրական երազանքները, իսկ կյանքի հաջորդող տարիները լինեն առավել ուրախ և անհոգ: