Տեղեկատվական կենտրոն
Նորություններ
Մարզի 9 դպրոցում կիրականացվեն մարզադահլիճների կառուցման և վերանորոգման աշխատանքներ
16.01.2020
Արմավիրի մարզի 9 դպրոցում պետական բյուջեի և այլ ներդրումային ծրագրերի միջոցներով ընթացիկ տարում կիրականացվեն մարզադահլիճների կառուցման և վերանորոգման աշխատանքներ, ներառական կրթություն ստացող երեխաների համար էլ կապահովվեն անհրաժեշտ պայմաններ:
Կրթության, մշակույթի և սպորտի ոլորտում 2020 թվականի ընթացքում իրականացվող ամբողջական ծրագրերը կներկայացվեն ավելի ուշ:
Հիշեցնենք, որ 2019 թվականին պետական աջակցությամբ, մարզպետարանի օժանդակությամբ և դպրոցի բյուջեի խնայած միջոցներով, եռակողմ համագործակցությամբ, ինչպես նաև բարերարի օգնությամբ 26 դպրոցում իրականացվել են հիմնանորոգման, մասնակի վերանորոգման և ջեռուցման համակարգի ներդրման աշխատանքները:
- Հաստատվել է 5 դպրոցի կառուցման ծրագիր, որից 4-ը կիրականացվի պետական աջակցությամբ, իսկ 1-ը` ՀԲ կողմից ֆինանսավորվող <<Կրթության բարելավում>> վարկային ծրագրով:
- ԿԳՄՍ նախարարության հետ համագործակցությամբ մարզի 40 դպրոցի տրամադրվել է մարզական գույք:
- 8 դպրոցում ներդրվել է <<Դպրոցական տաք սնունդ>> ծրագիրը, որից օգտվող դպրոցների թիվը դարձել է 65:
- 5 դպրոցում հիմնվել է <<Արմաթ>> լաբորատորիա: