Տեղեկատվական կենտրոն
Նորություններ
Մարզում 2019 թվականի համեմատությամբ գերազանցվել են սուբվենցիոն ծրագրերի և քանակական, և գումարային ցուցանիշները
06.02.2020
Արմավիրի մարզում 2019 թվականի համեմատությամբ գերազանցվել են սուբվենցիոն ծրագրերի և քանակական, և գումարային ցուցանիշները: Սա մարզի համար հերթական աննախադեպ ցուցանիշն է, որ հիմք է տալիս ասելու, որ նախորդ տարի գրանցված ոլորտային բացառիկ հաջողությունները գերազանցվելու են` կյանքի ու կենսագործունեության նոր որակ ապահովելով մարզի ազգաբնակչության համար:
Թվային և գումարային տվյալները հետևյալն են.
- 2020 թվականին ՏԿԵ նախարարության հաստատմանն է ներկայացվել 86 սուբվենցիոն ծրագիր` 3,183,151,600 դրամ արժեքով:
- 2019 թվականին հաստատված 35 ծրագրից իրականացվել է 32-ը, որոնց պայմանագրային արժեքը կազմել է շուրջ 770,230,100 դրամ :
- 2019 թվականին չիրականացված 3 ծրագիրը կիրականացվի հաշվետու տարում` 165,315,800 դրամ արժեքով:
2020 թվականի ծրագրերը ընդգրկում են հետևյալ ոլորտները.
- Բնակավայրի փողոցների կառուցում/նորոգում, ասֆալտապատում - 22 հայտ
- Խմելու ջրամատակարարման, ինչպես նաև ջրահեռացման համակարգի կառուցում/նորոգում - 6 հայտ
- Ոռոգման համակարգի կառուցում/նորոգում 4 հայտ
- Փողոցային լուսավորության համակարգի կառուցում/նորոգում 1 հայտ
- Վերականգնվող էներգետիկա, այդ թվում` արևային ֆոտովոլտային կայանների տեղադրում - 6 հայտ
- Բնակավայրերի գազաֆիկացում - 10 հայտ
- Մանկապարտեզների կառուցում - 3 հայտ
- Մանկապարտեզների վերակառուցում/նորոգում - 10 հայտ
- Բուժամբուլատորիայի շենքի վերանորոգում - 1 հայտ
- Հասարակական շենքերի (մշակույթի տուն, երաժշտական դպրոց, համայնքապետարան, հանդիսությունների սրահ) վերանորոգում - 11 հայտ
- Բազմաբնակարան շենքերի ընդհանուր բաժնային սեփականության գույքի նորոգում - 3 հայտ
- Այգիների, պուրակների կառուցում/բարեկարգում - 4 հայտ
- Հակակարկտային կայանների ձեռքբերում (16 կայան) - 3 հայտ
- Գյուղտեխնիկայի և սարքավորումների ձեռքբերում - 2 հայտ.