Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Արմավիրի մարզպետ Համբարձում Մաթևոսյանի շնորհավորական ուղերձը Կանանց տոնի առթիվ
07.03.2020
Սիրելի կանայք,
Ի սրտե և լավագույն ցանկություններով շնորհավորում եմ ձեզ գարնանային այս գեղեցիկ օրվա` մարտի 8-ի առթիվ:
Պատահական չէ, որ Կանանց տոնը համընկնում է գարնան գալուստի և բնության զարթոնքի հետ: Քանզի կինն է կյանքի սկիզբը, բնության այն քնքուշ էակը, ով ստեղծված է սեր, հոգատարություն ու ջերմություն տարածելու համար:
Սիրելի կանայք, մեր պետությունը, ընտանիքը և ազգային արժեքները կայուն ու հարատև են հենց ձեր շնորհիվ: Եվ այսօր պատեհ առիթ է կրկին շնորհակալություն հայտնելու ձեզ մեր իրականությունն առավել ներդաշնակ, կյանքը` գեղեցիկ, իսկ ապագան լուսավոր դարձնելու համար:
Կրկին շնորհավորելով ձեզ գարնանային այս ոգեշնչող տոնի առթիվ՝ ցանկանում եմ, որ միշտ փոխադարձվի այն բարին ու դրականը, որով գունավորում եք մեր կյանքը: Եղեք առողջ, երջանիկ և միշտ շրջապատված սիրով ու ջերմությամբ:
Տոնական բարձր տրամադրություն և ամենայն բարիք բոլորիդ:
