Տեղեկատվական կենտրոն
Նորություններ
Ամենօրյա մշտադիտարկում` նոր կորոնավիրուսային հիվանդության (covid-19) համաճարակի կանխարգելման նպատակով
30.04.2020
ՀՀ Արմավիրի մարզպետ Համբարձում Մաթևոսյանի համապատասխան որոշմամբ ստեղծվել է Արմավիրի մարզում նոր կորոնավիրուսային հիվանդության (covid-19) համաճարակի կանխարգելման նպատակով ամենօրյա մշտադիտարկում իրականացնող երեք աշխատանքային խումբ, որոնք հսկողություն են սահմանում.
• Արմավիրի մարզի ողջ տարածքում արտակարգ դրության իրավական ռեժիմով պայմանավորված անձանց ազատ տեղաշարժի իրավունքի մասով կիրառվող ժամանակավոր սահմանափակումների նկատմամբ:
• Արմավիրի մարզի ողջ տարածքում արտակարգ դրության իրավական ռեժիմով պայմանավորված տնտեսական գործունեության տեսակների մասով կիրառվող ժամանակավոր սահմանափակումների նկատմամբ:
• Արմավիրի մարզում գործող կազմակերպություններում նոր կորոնավիրուսային հիվանդության (covid-19) համաճարակի տարածումը կանխելուն ուղղված կանոնների պահպանման նկատմամբ:
Աշխատանքային խմբերը մշտադիտարկումն իրականացնում են հանրապետական գործադիր մարմինների տարածքային ստորաբաժանումների և ՏԻՄ-երի հետ համագործակցությամբ: Համապատասխան որոշմամբ սահմանված միջոցառումների իրականացման վերաբերյալ ամենօրյա տեղեկություն է ներկայացվում մարզպետ Համբարձում Մաթևոսյանին, ինչպես նաև քննարկվում են արձանագրված թերությունները և բացթողումները` տալով դրանց համարժեք լուծումներ: