Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մայիսի 28-ին քաղաքացիներին չի թույլատրվի այցելել Սարդարապատի հուշահամալիր
27.05.2020
Արմավիրի մարզի հարգելի բնակիչներ, սիրելի հայրենակիցներ,
Նոր կորոնավիրուսի համավարակի տարածումը կանխելու նպատակով մայիսի 28-ին՝ Հանրապետության օրը, փակ են լինելու դեպի Սարդարապատի հուշահամալիր, Հայոց ազգագրության և ազգային-ազատագրական պայքարի պատմության թանգարան տանող հետիոտների և տրանսպորտային միջոցների համար նախատեսված բոլոր ճանապարհները։
Առաջին Հանրապետության օրվան նվիրված տոնակատարությունների շրջանակում տեղի կունենա միայն արարողակարգային միջոցառում` բարձրաստիճան պաշտոնյաների մասնակցությամբ: Իսկ երեկոյան նախատեսվում է տոնական հրավառություն։
Ոստիկանները ողջ օրվա ընթացքում կհսկեն տարածքը, որպեսզի քաղաքացիները չմոտենան և կուտակումներ տեղի չունենան:
Նշենք, որ կարգը խախտելը կառաջացնի իրավական հետևանքներ։
Հայցում ենք բոլորի ներողամտությունը և շնորհակալություն հայտնում ըմբռնման համար:
