Տեղեկատվական կենտրոն
Նորություններ
Մարգարա համայնքի 6 փողոց կապահովվի ջրամատակարարման ցանցով
02.06.2020
Սուբվենցիոն ծրագրի շրջանակում Մարգարա համայնքի 6-րդ, 7-րդ, 8-րդ, 11-րդ, 12-րդ և 13-րդ փողոցները կապահովվեն ջրամատակարարման ցանցով. կկառուցվի 2366 գծմ ջրագիծ:
Ծրագրի ընդհանուր բյուջեն կազմում է 11 մլն 480 հազար դրամ, որից ՀՀ պետական բյուջեից տրամադրվող սուբվենցիայի չափաբաժինը 70% է` 8 մլն 36 հազար դրամ, իսկ համայնքի մասնակցությունը 30%` 3 մլն 444 հազար դրամ:
Համայնքի ջրամատակարարման ցանցի կառուցմամբ կկրճատվեն վթարների հետևանքով կատարվող ընթացիկ նորոգման ծախսերը, էլեկտրաէներգիայի գերածախսը և վնասված խողովակներից ջրի արտահոսքը:
Ծրագրի արդյունքում շուրջ 53 տնտեսություն կապահովվի որակյալ և շուրջօրյա ջրամատակարարմամբ: Իսկ նախատեսված աշխատանքների իրականացման փուլում կստեղծվի շուրջ 20 ժամանակավոր աշխատատեղ: