Տեղեկատվական կենտրոն
Նորություններ
Էջմիածին քաղաքի կենտրոնական համարվող երկու փողոցի ասֆալտբետոնե ծածկը կհիմնանորոգվի
12.06.2020
Էջմիածին քաղաքի կենտրոնական համարվող Սպանդարյան և Կամո փողոցների ասֆալտբետոնե ծածկը կհիմնանորոգվի. լուծում կստանա համայնքի համար առաջնային համարվող խնդիրներից ևս մեկը:
Նշված փողոցները կհիմնանորոգվեն սուբվենցիոն ծրագրի շրջանակում, որի ընդհանուր բյուջեն 305 մլն 885 հազ. դրամ է: ՀՀ պետական բյուջեից տրամադրվող սուբվենցիայի չափաբաժինը կկազմի 45%` 137 մլն 648.25 հազ. դրամ, իսկ համայնքի մասնակցությունը` 55%` 168 մլն 236.75 հազ. դրամ:
Ծրագրում ներառված Սպանդարյան փողոցի ասֆալտապատվող հատվածի մակերեսը 9680 քմ է, իսկ Կամո փողոցինը` 9456 քմ: Փոխարինվող եզրաքարերի երկարությունն էլ 2828 մ է, իսկ անձրևաջրերի հեռացման հեղեղատար կոյուղունը` 2069 մ:
Ծրագրի իրականացման արդյունքում Էջմիածինը կունենա հիմնովին ասֆալտապատված, վերականգնված անձրևատար կոյուղով և եզրաքարերով ճանապարհահատված, որը կհամապատասխանի միջազգային նորմերին և անվտանգ երթևեկ կապահովի հետիոտների ու վարորդների համար:
Նշված փողոցների հիմնանորոգման ընթացքում կստեղծվի 10-12 ժամանակավոր աշխատատեղ: