Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Վաղարշապատի Խ. Աբովյանի անվան N 4 հիմնական դպրոցի թիմը հաղթող է ճանաչվել «Դու գիտես» ինտելեկտուալ հեռուստախաղում

01.07.2020

Վաղարշապատի Խ. Աբովյանի անվան N 4 հիմնական դպրոցի IX դ դասարանի աշակերտներ Նարեկ Բարիլուսյանը և Վահան Սարգսյանը հաղթող են ճանաչվել ԿԳՄՍ նախարարության և Հանրային հեռուստաընկերության նախաձեռնությամբ իրականացվող «Դու գիտես» ինտելեկտուալ հեռուստախաղում:

Հունիսի 27-ին ավարտվեց ՀՀ ԿԳՄՍ նախարարության և Հանրային հեռուստաընկերության նախաձեռնությամբ իրականացվող «Դու գիտես» ինտելեկտուալ հեռուստախաղը, որի ընթացքում Արցախի և Հայաստանի երևանյան ու մարզային դպրոցների մրցապայքարով պիտի ընտրվեր լավագույն մարզը։

Գիտելիքի այդ յուրօրինակ ստուգարքին Արմավիրի մարզը ներկայացնում էին Վաղարշապատի Խ. Աբովյանի անվան N 4 հիմնական դպրոցի IX դ դասարանի աշակերտներ Նարեկ Բարիլուսյանը և Վահան Սարգսյանը։ Տղաների հետ աշխատում էր նույն դպրոցի պատմության ուսուցչուհի Լուսինե Աղազարյանը։

Խաղի 1-ին փուլում Նարեկն ու Վահանը հաղթեցին Գեղարքունիքի, 2-րդ փուլում՝ Արցախի, 3-րդ ֊ ում՝ Սյունիքի մարզային թիմերին։ Իսկ եզրափակիչ փուլում մրցապայքարը շարունակվեց Կոտայքի թիմի հետ։

Մեր աշակերտները լավագույնս ներկայացան և, գիտելիքը ձուլելով գիտակցությանը, գրանցեցին ցանկալի հաղթանակ՝ հերթական անգամ բարձր պահելով թե՛ մարզի և թե՛ իրենց հարազատ՝ Խ. Աբովյանի անվան N4 հիմնական դպրոցի պատիվը։

Գրանցած հաղթանակի համար շնորհավորում ենք Նարեկ Բարիլուսյանին, Վահան Սարգսյանին, մարզիչ Լուսինե Աղազարյանին, դպրոցի տնօրինությանը և ուսուցչական կազմին ՝ մաղթելով նոր նվաճումներ ու ձեռքբերումներ։ Մենք հպարտ ենք ձեզանով: 

Մարզային թիմի հաղթանակը բարձր է գնահատվել Խ. Աբովյանի անվան N4 հիմնական դպրոցի տնօրեն Արուսյակ Մուրադյանի կողմից՝ տղաները պարգևատրվել են պլանշետներով , իսկ մարզիչ Լ. Աղազարյանն արժանացել է խրախուսանքի։

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-03-28 16:42:49