Արմավիրի մարզպետի աշխատակազմ

Դալարիկ համայնքի հինգ սուբվենցիոն ծրագրից երեքով նախատեսված շինաշխատանքները սկսվել են. վերակառուցվում են Կոմիտասի փողոցի 7 հասցեում գտնվող բազմաբնակարան շենքի, համայնքի հանդիսությունների սրահի ու մարզասրահի տանիքները, իսկ բազմաբնակարան բնակելի շենքերի մուտքերի դռներն ու պատուհանները փոխարինվում են նորերով:

Նշված երեք սուբվենցիոն ծրագրերի ընդհանուր բյուջեն կազմում է 38 մլն 981.13 հազար դրամ: Ծրագրերի իրականացման փուլում, ընդհանուր առմամբ, կստեղծվի 11 ժամանակավոր, իսկ ավարտին` 4 հիմնական աշխատատեղ:

Դալարիկ համայնքի Կոմիտասի փողոցի 7 հասցեում գտնվող բազմաբնակարան շենքի տանիքի վերակառուցման ծրագրի շրջանակում կվերակառուցվի 542.3 քմ մակերեսով տանիք: Ծրագրի շահառու է հանդիսանում շենքում առկա 24 բնակարանի 96 բնակիչ:

• Ծրագրի արդյունքում 30%-ով կկրճատվեն բնակարանների վերանորոգման ծախսերը և կստեղծվի 10-ը ժամանակավոր աշխատատեղ:

Սուբվենցիոն երկրորդ ծրագրով էլ կհիմնանորոգվի հանդիսությունների սրահի և մարզասրահի 650 քմ մակերեսով տանիքը: Տանիքի վերանորոգումից հետո նախատեսվում է նաև շենքի ներքին և արտաքին հարդարում:

• Ծրագրի իրագործումը համայնքի բնակչությանն անվճար արարողություններ կազմակերպելու և մարզվելու հնարավորություն կընձեռի` կրճատելով նրանց ընթացիկ ծախսերը:

Համայնքի 19 բազմաբնակարան բնակելի շենքերի մուտքերի դռների ու պատուհանների փոխարինման ծրագրով նախատեսված աշխատանքների շրջանակում կտեղադրվել 120 քմ մետաղական դռներ և 102 քմ մետաղապլաստե պատուհաններ:

• Ծրագրի արդյունքում նախ կբարելավվի շենքերի արտաքին տեսքը և, որ ամենակարևորն է, կապահովվի ջերմամեկուսացում:

Առաջիկայում կմեկնարկեն նաև սուբվենցիոն մյուս երկու ծրագրերով` Կոմիտաս փողոցի ևս 3319.8 քմ հատվածի ասֆալտապատում և Դալարիկ համայնքի Չարենց, Թումանյան, Տերյան, Իսահակյան փողոցների ոռոգման ներտնտեսային փակ ցանցի կառուցում, նախատեսված աշխատանքները` 29 մլն 165.55 հազ. դրամ ընդհանուր գումարի շրջանակում: