Արմավիրի մարզպետի աշխատակազմ

Էջմիածին քաղաքում մեկնարկել են համայնքների տնտեսական և սոցիալական ենթակառուցվածքների զարգացմանն ուղղված երկու սուբվենցիոն ծրագրերից մեկով նախատեսված աշխատանքները. հիմնանորոգվում է Սպանդարյան և Կամո փողոցների ասֆալտբետոնե ծածկը:

Ծրագրի ընդհանուր բյուջեն կկազում է 305 մլն 885 հազ. դրամ, որից ՀՀ պետական բյուջեից տրամադրվող սուբվենցիայի չափաբաժինը 45% է` 137 մլն 648.25 հազ. դրամ, իսկ համայնքի մասնակցությունը` 55%` 168 մլն 236.75 հազ. դրամ:

Հիմնանորոգվող Սպանդարյան փողոցի ասֆալտապատվող հատվածի մակերեսը 9680 քմ է, իսկ Կամո փողոցինը` 9456 քմ: Փոխարինվող եզրաքարերի երկարությունն էլ 2828 մ է, իսկ անձրևաջրերի հեռացման հեղեղատար կոյուղունը` 2069 մ:

Հավելենք, որ Էջմիածնում շուտով կմեկնարկեն սուբվենցիոն երկրորդ ծրագրով նախատեսված Վազգեն Առաջին և Վռամ Կոստանյան փողոցների մայթերի ծածկի հիմնանորոգման աշխատանքները. այս նպատակով հայտարարված մրցույթը կայացել է: