Արմավիրի մարզպետի աշխատակազմ

ՀՀ Արմավիրի մարզպետի տեղակալ Կարեն Գրիգորյանը Հայաստանում Ռուսաստանի դեսպանատան պատասխանատու պաշտոնյաների հետ այսօր այցելել է Օշականի ճակատամարտի զոհերի հուշահամալիր, ծաղկեպսակ դրել և ծաղիկներ խոնարհել ճակատամարտում զոհված 1131 ռուս զինվորների և հայ կամավորների հիշատակը հավերժացնող հուշարձանին` հարգանքի տուրք մատուցելով նրանց հիշատակին:

____________________

Օշականի ճակատամարտը տեղի է ունեցել 1827 թվականի օգոստոսի 17-ին` 1826-1828 թվականների ռուս-պարսկական պատերազմի ժամանակ։ Գեներալ Աֆանասի Կրասովսկու երեքհազարանոց ջոկատը ճեղքեց պարսից 30-հազարանոց բանակը և ազատեց Հայաստանի հոգևոր մայրաքաղաքը` Էջմիածինը։

Ի նշան երախտագիտության` 1834 թվականին Ամենայն հայոց կաթողիկոս Եփրեմ I-ի և արքեպիսկոպոս Ներսես Աշտարակեցու նախաձեռնությամբ Էջմիածնի մերձակայքում հայ ժողովրդի կողմից հուշարձան կանգնեցվեց: Այն սերունդներին վկայում է հայ և ռուս ժողովուրդների դարերից եկող անսասան բարեկամության մասին: