Արմավիրի մարզպետի աշխատակազմ

Սուբվենցիոն ծրագրի շրջանակում Արաքս (Վաղ. տ.) համայնքում մեկնարկել են մանկապարտեզի հիմնանորոգման աշխատանքները. համայնքի ավելի քան 80 երեխա շուտով բարեկարգ պայմաններում նախադպրոցական կրթություն ստանալու հնարավորություն կունենա:

Ծրագրի ընդհանուր բյուջեն կազմում է 69 մլն 121 հազար դրամ, որից ՀՀ պետական բյուջեից տրամադրվող սուբվենցիայի չափաբաժինը 65% է` 44 մլն 928 հազար դրամ, իսկ համայնքի մասնակցությունը՝ 35%` 24 մլն 192 հազար դրամ:

Մանկապարտեզի հիմնանորոգման աշխատանքների շրջանակում կամրացվեն պատերը և ծածկը, կիրականացվեն ներքին և արտաքին հարդարման աշխատանքներ, այն կապահովվի հոսանքով, ջրամատակարարման և օդափոխման համակարգերով:

Ծրագրով նախատեսված աշխատանքների իրականացման փուլում կապահովվի 13 ժամանակավոր, իսկ ավարտին` 10-ը հիմնական աշխատատեղ: