Տեղեկատվական կենտրոն
Նորություններ
Արևիկ համայնքի 31-րդ փողոցի ներհամայնքային ոռոգման ցանցը կհիմնանորոգվի
18.06.2021
Կհիմնանորոգվի Արևիկ համայնքի 31-րդ փողոցի ներհամայնքային ոռոգման ցանցը. շուրջ 40 հա տնամերձ հողատարածքների ոռոգումը հնարավոր կլինի իրականացնել ոռոգման միասնական համակարգի միջոցով
Դեռևս խորհրդային տարիներին Արևիկ համայնքում անցկացված ոռոգման համակարգը դաշտային հատվածում պահպանել է իր կենսունակությունը, սակայն ներհամայնքային բնակելի հատվածում շահագործվում է համակարգի 10 %-ը:
Շուրջ 319 գծմ երկարությամբ ներհամայնքային ոռոգման ցանցի ջրատարի հիմնանորոգման համար նախատեսվում է իրականացնել շինարարական աշխատանքների ընթացքի տեխնիկական ու հեղինակային հսկողություն և լաբորատոր փորձարկում, նշված երկարությամբ կիսախողովակի անցկացում:
Ծրագրի իրականացման արդյունքում կկրճատվի այգիների, ջերմատների շահագործման նպատակով խորքային հորերից ջրի օգտագործման համար էլեկտրաէներգիայի ծախսերը, հին ցանցի սխալ ինժիներական լուծումների և անմատչելի տարածքների պատճառով առաջացող ջրի կորուստները և արտահոսքի հետևանքով ճանապարհներին առաջացող լճացումների պատճառով երթևեկության խաթարման երևույթները: Ի վերջո, շուրջ 60 տնտեսություն ևս հնարավորություն կստանա այգիները ոռոգել Արաքսի հումուսով հարուստ ջրով:
Ծրագրի շահառուների թիվը 250 է:
Աշխատանքների իրականացման ընթացքում կստեղծվի 10 ժամանակավոր աշխատատեղ: