Արմավիրի մարզպետի աշխատակազմ

Սուբվենցիաներ ստանալու համար ծրագրային հայտերի գնահատման միջգերատեսչական հանձնաժողովի հերթական նիստում հավանության է արժանացել Արմավիրի մարզի համայնքների սոցիալական և տնտեսական ենթակառուցվածքների զարգացմանն ուղղված ևս 3 սուբվենցիոն հայտ.

ՀՀ Արմավիրի մարզի Նալբանդյան համայնքի «Նալբանդյան համայնքի 4-րդ պողոտա 3-րդ շենք հասցեում գտնվող Նալբանդյան համայնքի մշակույթի տան մի մասի վերանորոգում որպես երաժշտական դպրոցի»,

«Նալբանդյան համայնքի միջգյուղական ճանապարհների լուսավորություն»,

Գեղակերտ համայնքի «Գեղակերտ համայնքում չգազաֆիկացված Ն.Շնորհալի, Վ. Աճեմյան, Վ. Տերյան, Տիգրան Մեծ և Գ. Նարեկացու փողոցների գազատարի կառուցում և գազիֆիկացում»:

Շահագրգիռ գերատեսչություններից հայտերի վերաբերյալ ստացված դիտողությունների հիման վրա վերոնշյալ ծրագրերի նախագծերը կլրամշակվեն մինչև համապատասխան մրցույթ հայտարարելը:

Ծրագրերի իրականացման համար ՀՀ օրենսդրությամբ սահմանված կարգով կապահովվի թափանցիկ, նվազագույն ռիսկերով մրցութային գործընթաց` մարզպետարանի անմիջական հսկողությամբ:

Հավելենք, որ Արմավիրի մարզում հաստատվել է ընդհանուր թվով 60 ծրագրային հայտ: