Տեղեկատվական կենտրոն
Նորություններ
Խորոնքում երկու սուբվենցիոն ծրագիր կիրականացվի
28.07.2021
Խորոնքում համայնքների տնտեսական և սոցիալական ենթակառուցվածքների զարգացմանն ուղղված համաֆինանսավորման սուբվենցիոն ծրագրի շրջանակում հուշապուրակ կկառուցվի և արտաքին լուսավորության ցանցով կապահովվեն Վ․Վարդանյան, Արարատյան, Թումանյան, Մանուկյան, Մանուկյան 1, Պ․ Սևակ, Գ. Նժդեհ, Գայ և Տերյան փողոցները:
Համայնքում նախատեսվող արտաքին լուսավորության ցանցի կառուցման ծրագրով կտեղադրվեն 124 էներգախնայող ԼԵԴ լուսատուներ, և 8.12 կմ ներհամայնքային ճանապարհ կապահովվի լուսավորությամբ: Ծրագրի արդյունքում համայնքում ամբողջությամբ կլուծվի արտաքին լուսավորության խնդիրը:
Արցախյան պատերազմներում անմահացած ութ խորոնքցիների հիշատակն էլ կհավերժացվի 200 քմ տարածք ընդգրկող հուշապուրակի կառուցմամբ, որտեղ կտեղադրվեն անվանական պատվանդաններ, խաչքար և ցայտաղբյուր: Տարածքը կապահովվիի մշտական ջրով և լուսավորությամբ:
Նախատեսվող երկու ծրագրերի իրականացման ընթացքում կստեղծվի շուրջ 9 ժամանակավոր աշխատատեղ: