Տեղեկատվական կենտրոն
Նորություններ
Նալբանդյանում երկու սուբվենցիոն ծրագիր կիրականացվի
05.08.2021
Նալբանդյան համայնքում 2021 թվականի համար հաստատված երկու սուբվենցիոն ծրագրով կիրականացվեն հետևյալ աշխատանքները՝
- Նալբանդյան համայնքի 4-րդ պողոտա 3-րդ շենք հասցեում գտնվող Նալբանդյան համայնքի մշակույթի տան մի մասը կվերանորոգվի որպես երաժշտական դպրոց,
- լուսավորությամբ կապահովվեն համայնքի միջգյուղական ճանապարհները:
Առաջին ծրագրով նախատեսված աշխատանքների շրջանակում հիմնովին կվերոնորոգվի 1984 թվականին շահագործման հանձնաված համայնքի մշակույթի տան այն հատվածը, որտեղ պետք է տեղակայվի երաժշտական դպրոցը:
Ծրագրի իրականացմամբ Նալբանդյանում կաշխուժանա մշակութային կյանքը, իսկ համայնքի երեխաները երաժշտական կրթություն ստանալու և իրենց ժամանակն արդյունավետ օգտագործելու հնարավորություն կունենան:
Համայնքի լուսավորության ցանցի ընդլայնման ծրագրով էլ նախատեսված է 25 կմ հաղորդալարի անցկացում և 500 լեդ լուսատուի տեղադրում, որոնց արդյունքում առավել անվտանգ կդառնա գիշերային երթևեկությունը և մարդկանց տեղաշարժը:
Նախատեսվող ծրագրերի իրականացման ընթացքում կստեղծվի ավելի քան 20 ժամանակավոր աշխատատեղ: