Արմավիրի մարզպետի աշխատակազմ

Արագած համայնքում սուբվենցիոն ծրագրով սկսվել են Ալեքսանդր Թամանյանի նախագծով 1961 թվականին կառուցված մշակույթի տան վերանորոգման աշխատանքները:

Շինաշխատանքներն իրականացնում է «Մեծ Հիմք-1» ՍՊԸ-ն։

Համաֆինանսավորման սուբվենցիոն ծրագրի շրջանակում նախատեսված է պատերի, հատակի հարթեցում, առաստաղի և պատերի ներկում, թեքահարթակի կառուցում:

Ծրագրի արդյունքում մշակույթի տանը կբացվեն տարբեր խմբակներ` Արագած և հարևան համայնքների երեխաների առօրյան առավել հետաքրքիր և հագեցած դարձնելու համար: Կգործի նաև 520 նստատեղ ունեցող դահլիճը` ներհամայնքային և այլ բնույթի նիստեր, խորհրդակցություններ ու միջոցառումներ իրականացնելու նպատակով:

Հիշեցնենք, որ 2020 թվականին նույն ծրագրով վերակառուցվել է նաև մշակույթի տան տանիքը: