Տեղեկատվական կենտրոն
Նորություններ
ՀՀ Արմավիրի մարզպետ Համբարձում Մաթևոսյանի շնորհավորանքի խոսքն Ուսուցչի օրվա կապակցությամբ
05.10.2021
Սիրելի մանկավարժներ, կրթության ոլորտի հարգելի նվիրյալներ,
Լավագույն ցանկություններով շնորհավորում եմ բոլորիդ մասնագիտական տոնի՝ Ուսուցչի օրվա կապակցությամբ:
Սա հերթական ու լավագույն առիթն է շնորհավորելու Ձեզ, հայտնելու մեր երախտագիտությունը սերունդների կրթության ու դաստիարակության, մեր երկրի ապագայի կերտման գործում Ձեր ունեցած անգնահատելի ավանդի համար:
Այսօր հպարտությամբ ենք փաստում, որ Ձեր ջանքերը զուր չեն. մեծացել ու մեծանում է մեր հերոս նախնյաց արժանի սերունդ՝ պատրաստ մարտնչելու հանուն հայրենիքի, խաղաղության ու արժանապատիվ կյանքի:
Իսկ Դուք, սիրելի ուսուցիչներ, մշտապես դիրքերում գտնվող, թիկունքն ամուր պահող, գիտության ուժով մարտնչող ու չերկնչող մարտիկներ եք:
Կրկին շնորհավորելով բոլորիդ այս տոնական օրվա առթիվ՝ ցանկանում եմ անսպառ ուժ ու եռանդ Ձեր՝ մշտապես ստեղծագործական նոր մոտեցումներ պահանջող դժվարին ու պատասխանատու աշխատանքում: Եվ թող Ձեր աշակերտների հաջողությունները դառնան այն փարոսը, որը հայ ազգին կուղեկցի դեպի նոր հորիզոններ:
Խաղաղություն մեր երկրի սահմաններին, տոկունություն ու լավատեսություն բոլորիս: