Տեղեկատվական կենտրոն
Նորություններ
Արմավիրի քաղաքային մարզադաշտը վերաբացվել է
30.11.2021
ՀՀ Արմավիրի մարզպետ Էդվարդ Հովհաննիսյանը ՀՀ փոխվարչապետ Համբարձում Մաթևոսյանի, ՀՀ վարչապետի աշխատակազմի ղեկավար Արայիկ Հարությունյանի, ՏԿԵ նախարար Գնել Սանոսյանի, ՀՖՖ նախագահ Արմեն Մելիքբեկյանի, Արմավիրի քաղաքապետ Դավիթ Խուդաթյանի, ԱԺ պատգամավորների և այլ պաշտոնյաների հետ այսօր ներկա է գտնվել Արմավիրի քաղաքային մարզադաշտի վերաբացմանը:
Պաշտոնյաները շրջել են մարզադաշտում, ծանոթացել կատարված աշխատանքներին, մարզադաշտի ընձեռած տեխնիկական հնարավորություններին և վերականգնված կարողություններին:
Արմավիրի մարզադաշտի վերակառուցումը սկսվել է 2018 թվականին, տեխնիկական պատճառներով դադարեցվել 2019-ին: Իսկ արդեն 2021 թվականին շինարարական աշխատանքները վերսկսվել են նոր նախագծով:
Վերակառուցման ծախսերը կազմել են 688 միլիոն ՀՀ դրամ: Մինչ այդ, մարզադաշտի տարածքում կառուցված է եղել 4 խաղադաշտ (երեքը՝ բնական, մեկը՝ արհեստական), որոնց արժեքը կազմել է 400 միլիոն ՀՀ դրամ: Շինարարության հիմնական մասն իրականացվել է ՀՖՖ-ի կողմից՝ ՖԻՖԱ-ի և ՈՒԵՖԱ-ի մասնակի աջակցությամբ:
1980 թվականին հիմնադրված Արմավիրի մարզադաշտը սկզբում կրել է «Հոբելյանական» անվանումը: 1985 թվականին այստեղ անցկացվել է Աշխարհի երիտասարդական առաջնության խմբային փուլի՝ Կոլումբիա-Թունիս հանդիպումը: