Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Քննարկվել է 2021-2022 ուսումնական տարվա առաջին կիսամյակում պարտադիր ուսուցումից դուրս մնացած աշակերտների հարցը
21.01.2022
ՀՀ Արմավիրի մարզպետի խորհրդական Սաթենիկ Թովմասյանը վերջին երկու օրերին խորհրդակցություն է անցկացրել մարզպետարանի կրթության, սոցիալական ոլորտների, ոստիկանության մարզային ստորաբաժանումների պատասխանատուների և մարզի հանրակրթական ուսումնական հաստատությունների տնօրենների հետ:
Խորհրդակցության շրջանակում քննարկվել է 2021-2022 ուսումնական տարվա առաջին կիսամյակում պարտադիր ուսուցումից դուրս մնացած աշակերտների հարցը: Ըստ դպրոցների ներկայացվել են աշակերտների հաճախելիության վերաբերյալ տեղեկություններ, նշվել են բացակայությունների հիմնական պատճառները, որոնք մասնավորապես պայմանավորված են ընտանեկան խնդիրներով, ազգային և անհատական առանձնահատկություններով:
Կարևորվել է խնդրի առկայության դեպքում օպերատիվ ահազանգումը համայնքի խնամակալության և հոգաբարձության հանձնաժողովին, ոստիկանությանը: Պայմանավորվածություն է ձեռք բերվել կրթօջախներում ամենօրյա հաշվառում իրականացնել դպրոց չհաճախող աշակերտների մասով, ակտիվ և նպատակային աշխատանք ապահովել պատկան կառույցների և համապատասխան ընտանիքների հետ՝ անհրաժեշության դեպքում կիրառելով ոլորտը կարգավորող օրենսդրությամբ թույլատրելի վարչական մեթոդներ:
