Արմավիրի մարզպետի աշխատակազմ

Արմավիրի մարզում Տ-3-29/Մ-5/ («Զվարթնոց» թաղամաս)-/Հ-13/ ավտոճանապարհի առաջին 4,4կմ-ի հիմնանորոգումն ավարտական փուլում է ։

ՀՀ Արմավիրի մարզպետի տեղակալ Արամ Գրիգորյանը «Ճանապարհային դեպարտամենտ» հիմնադրամի գործադիր տնօրեն Արկադի Չերչինյանի, մարզպետի աշխատակազմի և Վաղարշապատի համայնքապետարանի ոլորտային պատասխանատուների հետ հետևել է աշխատանքների ընթացքին։

Հիմնանորոգվող հատվածը սկսվում է Մ-5 միջպետական ճանապարհից՝ «Զվարթնոց» թաղամասից և ձգվում է դեպի Մասիս։

Ծրագրի արժեքը` 737 մլն դրամ է։ Իրականացվել է 10սմ ավազակոպճային շերտի տեղադրում, որից հետո՝ C5 տեսակի խճային հիմք, կատարվել է բիտումային մշակում, այնուհետև տեղադրվել է նաև երկշերտ ասֆալտբետոնե ծածկ (խոշորահատիկ և մանրահատիկ), կատարվել են նաև այլ աշխատանքներ։

Հավելենք, որ ճանապարհը շրջանցում է Երևանը, և առանց մայրաքաղաք մտնելու հնարավոր է Արմավիրից՝ Մ-5-ից, այս երթուղով հասնել մինչև Արարատի մարզ։
Աշխատանքները մեկնարկել էին 2025 թվականի մայիսից։
Ներկա պահին իրականացվում են գծանշման աշխատանքներ։