Մարզպետի աշխատակազմ
Կառուցվածք
ՀՀ Արմավիրի մարզպետի աշխատակազմի կառուցվածքի գծապատկերը
ՀՀ Արմավիրի մարզպետի աշխատակազմի հաստիքացուցակը
ՀՀ Արմավիրի մարզպետի աշխատակազմի քաղաքացիական ծառայության պաշտոնների անվանացանկը
Արմեն Համբարձումյան
Վարչատնտեսական բաժնի պետ
(+374 237) 2 08 56
Կենսագրություն
Ծնվել է 1965թ. հունիսի 19-ին, Արմավիրի մարզի Բամբակաշատ գյուղում:
Ստացել է միջնակարգ կրթություն:
1983-1985 թթ. ծառայել է խորհրդային բանակում։
1986-1990 թթ. սովորել եւ ավարտել է Հայկական գյուղատնտեսական ինստիտուտը՝ ստանալով
գյուղատնտեսի որակավորում։
1991-1993 թթ. աշխատել է «Մեղապատրտ» կոպերատիվում որպես վաճառող /ք. Հոկտեմբերյան/։
1993-1996 թթ. աշխատել է Շրջխորհրդի գործկոմում որպես հրահանգիչ /ք. Հոկտեմբերյան/։
25.04-01.09.1996 թթ. աշխատել է Արմավիրի մարզպետարանում որպես 2-րդ կարգի մասնագետ։
1996-1999 թթ. աշխատել է Արմավիրի մարզպետարանում որպես առաջատար մասնագետ։
1999-2002 թթ. աշխատել է ՀՀ Արմավիրի մարզպետարանի աշխատակազմի վարչատնտեսական
բաժնում որպես բաժնի պետ։
2002-2003 թթ. աշխատել է «Ջրօգտագործողների» միությունում որպես ջրպետ։
02.12.2003 թվականից աշխատում է ՀՀ Արմավիրի մարզպետարանի աշխատակազմի
վարչատնտեսական բաժնի պետ։
Գործառույթներ / իրավասություններ
Բաժնի պետը`
ա) ապահովում է ապրանքանյութական արժեքների ձեռքբերման, հաշվառման
աշխատանքները, ինչպես նաև միջոցներ է ձեռնարկում Մարզպետարանում պետական
սեփականության պահպանության և արդյունավետ օգտագործման ուղղությամբ.
բ) հետևում է Մարզպետարանի վարչական շենքի կոմունալ ծառայությունների
տեխնիկական սպասարկման վիճակին, առաջարկություններ է ներկայացնում շենքի ընթացիկ
կամ հիմնական վերանորոգման համար.
գ) ապահովում է Աշխատակազմի ավտոտրանսպորտային սպասարկումը.
դ) Աշխատակազմի աշխատողներին ապահովում է աշխատանքային անհրաժեշտ
պայմաններով.
ե) իրականացնում է մարզխորհրդի նիստերի, պաշտոնատար անձանց այցելությունների,
նրանց մասնակցությամբ անցկացվող արարողակարգային և այլ միջոցառումների
նախապատրաստման ու կազմակերպման տնտեսական, նյութատեխնիկական և
տրանսպորտային ապահովումը.
զ) Քարտուղարության պետի հանձնարարությամբ քննարկում է քաղաքացիների
առաջարկությունները, դիմումներն ու բողոքները, ինչպես նաև պետական կառավարման և
տեղական ինքնակառավարման և այլ մարմինների գրությունները, լուծելով դրանց ընթացքը
օրենքով սահմանված կարգով.
է) Քարտուղարության պետի հանձնարարությամբ ապահովում է Բաժնի առջև դրված
գործառույթներից և խնդիրներից բխող իրավական ակտերի նախագծեր, առաջարկություններ,
եզրակացություններ, այլ փաստաթղթեր նախապատրաստելը, ինչպես նաև դրանց վերաբերյալ
մեթոդական պարզաբանումներ և ուղեցույցեր մշակելը.
ը) Քարտուղարության պետին առաջարկություններ է ներկայացնում իր ենթակայության
տակ գտնվող աշխատողներին կարգապահական տույժի ենթարկելու և խրախուսելու
վերաբերյալ.
թ) Քարտուղարության պետի հանձնարարությամբ մասնակցում է Քարտուղարության
աշխատանքային ծրագրերի մշակման աշխատանքներին.
ժ) այլ մարմիններից, պաշտոնատար անձանցից ստանում է Բաժնի առջև դրված
գործառույթների և խնդիրների իրականացման հետ կապված անհրաժեշտ տեղեկատվություն և
նյութեր.
ժա) ստորագրում է Բաժնի անունից պատրաստվող փաստաթղթեր.
ժբ) Բաժնի լիազորությունների շրջանակներում նախապատրաստում է
առաջարկություններ, տեղեկանքներ, հաշվետվություններ, միջնորդագրեր, զեկուցագրեր և այլ
գրություններ.
ժգ) Քարտուղարության պետին, ըստ անհրաժեշտության, ներկայացնում է
առաջարկություններ՝ Բաժնի աշխատանքներին մասնագետներ, փորձագետներ, գիտական
հաստատությունների ներկայացուցիչներ ներգրավելու, ինչպես նաև աշխատանքային խմբեր
կազմավորելու համար.
ժդ) Բաժնի առջև դրված գործառույթների և խնդիրների իրականացման հետ կապված,
ինչպես նաև Քարտուղարության պետի գիտությամբ, կարող է հրավիրել խորհրդակցություններ՝
դրանց մասնակից դարձնելով համապատասխան մարմինների պաշտոնատար անձանց,
մասնագետների, փորձագետների.
ժե) ըստ անհրաժեշտության ներկայացնում է համապատասխան զեկուցումներ՝ իր կողմից
սպասարկվող ոլորտին առնչվող համապատասխան մարմիններում, ինչպես նաև
պաշտոնատար անձանց կողմից կատարվող աշխատանքների վիճակի մասին.
ժզ) իրականացնում է սույն պաշտոնի անձնագրով սահմանված այլ լիազորություններ։
Բաժնի պետն ունի Օրենքով, այլ իրավական ակտերով նախատեսված այլ իրավունքներ
(սոցիալական երաշխիքներ) և կրում է այդ ակտերով նախատեսված այլ պարտականություններ
(սահմանափակումներ)։