Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Տեղեկատվական կենտրոն
Նորություններ
ՀՀ ԱՐՄԱՎԻՐԻ ՄԱՐԶՊԵՏ ԱՇՈՏ ՂԱՀՐԱՄԱՆՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՄԱՐՏԻ 8-Ի ԱՌԹԻՎ
05.03.2011
Սիրելի կանայք, ի սրտե շնորհավորում եմ Ձեզ գարնանային այս գեղեցիկ տոնի` Կանանց միջազգային օրվա առթիվ:
Պատմության բոլոր քառուղիներում անփոխարինելի է եղել Հայ Կնոջ դերը. ի վերուստ Ձեզ է վստահվել օջախի ամրության եւ շենացման, սերունդների կրթության եւ դաստիարակության, ազգային արժեքների պահպանման եւ փոխանցման դժվարին ու պատասխանատու առաքելությունը, որը միշտ պատվով եք իրականացրել` միաժամանակ չկորցնելով Ձեր կանացի հմայքն ու քնքշությունը:
Այսօր միանգամայն ակնհայտ է ձեր ներգրավվածությունը նաեւ պետական, քաղաքական եւ հասարակական կյանքի տարբեր բնագավառներում, որն անչափ կարեւոր է եւ միանաշանակ նպաստելու է մեր նորանկախ պետության շենացմանը եւ հետագա վերելքին։
Գարնանային այս գեղեցիկ տոնից՝ Մարտի 8-ից սկիզբ առնող Կանանց միամսյակը եւս մեկ հրաշալի առիթ է մեր երախտիքի եւ գնահատանքի խոսքերը հղելու Ձեզ՝ Ձեր նվիրումի, հոգատարության, ազգապահպան ու անկոտրում ոգու եւ ոգեշնչող ներկայության համար։
Վերստին շնորհավորում եմ Ձեզ` մաղթելով քաջառողջություն, անսահման սեր ու երջանկություն եւ հաջողություններ Ձեր բարի ու նվիրական նախաձեռնություններում։
Բարին ընդ Ձեզ:
ՀՀ ԱՐՄԱՎԻՐԻ ՄԱՐԶՊԵՏ`
ԱՇՈՏ ՂԱՀՐԱՄԱՆՅԱՆ
