Արմավիրի մարզպետի աշխատակազմ

Արմավիրի մարզի հարգարժան բնակիչներ,

Հայաստանի Հանրապետության Արմավիրի մարզպետարանի աշխատակազմի եւ անձամբ իմ կողմից ջերմորեն շնորհավորում եմ Ձեզ յուրաքանչյուրիս համար նվիրական դարձած Մայիսյան փառահեղ Եռատոնի կապակցությամբ:

Հայոց աշխարհն այսօր լուսավորված է Մայիսյան Հաղթանակների կենսաբեր շողերով եւ ապրում է ազատ ու խաղաղ կյանքի անխաթար ու կայուն առաջընթացի, բոլորիս կյանքում առկա դժվարությունների աստիճանական հաղթահարման շրջանում:

Տոնական բարեմաղթանքներով ցանկանում եմ բոլորիդ քաջառողջություն, անձնական երջանկություն եւ հետագա հաջողություններ Ձեր բոլոր ծրագրերի իրականացման գործում: Թող Մայիսյան Հաղթանակների ոգին համակի եւ ուղեկցի Ձեզ ողջ կյանքում:

Բարին ընդ Ձեզ:

Լավագույն ցանկություններով`

ՀՀ Արմավիր մարզպետ`
Աշոտ Սարգսի Ղահրամանյան