Արմավիրի մարզպետի աշխատակազմ

Վերջին երկու օրերի ընթացքում Մարզպետ Աշոտ Ղահրամանհանը շարունակեց լինել այն բոլոր կրթական հաստատություններում, որտեղ նախատեսված են վերանորոգման աշխատանքներ պետական բյուջեի պահուստային ֆոնդից մարզին հատկացված միջոցներով:

Գրեթե բոլոր կրթօջախներում շինարարական աշխատանքներն արդեն իսկ մեկնարկել էին: Տեղերում շինարարական կազմակերպությունների պատասխանատուների կողմից մարզպետին ներկայացվեցին իրականացվելիք աշխատանքները: Նա վերջիններիս տեղեկացրեց, որ նախանշված աշխատանքները գտնվելու են իր անմիջական հսկողության ներքո, եւ հավելեց, որ նրանցից ակնկալում է որակյալ աշխատանք եւ ժամանակին շահագործում:

Դպրոցներում մարզպետը հանդիպեց նաեւ ուսուցչական կազմի եւ բարձր դասարանների աշակերտների հետ: Նրանց ներկայացրեց դպրոցաշինության ուղղությամբ մարզում իրականացված աշխատանքները եւ նախատեսված ծրագրերը: Նա մասնավորապես նշեց, որ վերջին 3-4 տարիների ընթացքում մարզի թվով 112 դպրոցից 35-ը ամբողջությամբ հիմնանորոգվել է, իսկ 51 դպրոց էլ ապահովվել է ջեռուցման լոկալ համակարգով: Նա միաժամանկ ընդգծեցեց, որ, այդուհանդերձ, մարզում գերակշռում է վերանորոգման կարիք ունեցող դպրոցների թիվը, եւ այդ իսկ պատճառեվ Հանրապետության նախագահի անմիջական նախաձեռնությամբ մարզին պետական բյուջեի պահուստային ֆոնդից հատկացված միջոցների <<առյուծի բաժինը>> /շուրջ 85%/ ուղղվել է ոլորտում առաջնային համավող հարցերի լուծմանը, որոնց արդյունքում մարզում կհիմնանորոգվի թվով մեկ եւ մասնակի կվերանորոգվի թվով 17 կրթական հաստատություն: Նա միաժամանակ հավաստիացրեց, որ նախանշված շինարարական աշխատանքները սահմանվաժ ժամանակետներում եւ որակով իրականացնելու դեպքում կմեկնարկի համապատասխան կրթական հաստատությունների ամբողջական հիմնանորոգումը` դարձյալ Հանրապետության նախագահի անմիջական աջակցությամբ: Նա խոսեց նաեւ այլ ծրագրերով ոլորտում նախատեսվող աշխատանքների մասին` վստահեցնելով, որ առաջիկա մի քանի տարիների ընթացքում մարզում կհիմնանորոգվեն գրեթե բոլոր կրթական հաստատությունները:

Բոլոր հանդիպումների ժամանակ մարզպետը հետաքրքրվեց դպրոցներում տիրող մթնոլորտով եւ կրթադաստիարակչակն գործընթացով: Ամենուր հավաստիացրեցին, որ միանգամայն առողջ աշխատանքային մթնոլորտում ամբողջությամբ ապահովում են հանրակրթական դպրոցի առջեւ դրված հարցերի լուծումը: