Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀԱՆՐԱՅԻՆ ԼՍՈՒՄՆԵՐ` ՀԱՅԱՍՏԱՆԻ ՄԻՋՈՒԿԱՅԻՆ ՆՈՐ ԷՆԵՐԳԱԲԼՈԿԻ ՎԵՐԱԲԵՐՅԱԼ
18.05.2011
Նախօրեին Արմավիրի մարզպետարանում ՀՀ էներգետիկայի եւ բնական պաշարների նախարարության, ՀՀ բնապահպանության նախարարության, Արմավիրի մարզպետարանի եւ ՙՄԵԾԱՄՈՐԷՆԵՐԳՈԱՏՈՄ՚ ՓԲԸ-ի համատեղ նախաձեռնությամբ տեղի ունեցան երկրորդ հանրային լսումները Մեծամոր քաղաքի հարեւանությամբ կառուցվելիք միջուկային նոր էներգաբլոկի վերաբերյալ:
Լսումների ընթացքում ամփոփվեց Հայաստանի միջուկային նոր էներգաբլոկի Բնապահպանական (Շրջակա միջավայրի վրա ազդեցության գնահատման) հաշվետվության բովանդակությունը:
ՀՀ էներգետիկայի եւ բնական պաշարների նախարարի տեղակալ Արեգ Գալստյանը ներկայացնելով ծրագրի հետ կապված մանրամասները` նշեց, որ նոր միջուկային էներգաբլոկի աշխատանքները նախատեսվում է իրականացնել շրջակա միջավայրի վրա նվազագույն ազդեցությամբ: Արեգ Գալստյանի խոսքով նոր միջուկային էներգաբլոկի կառուցման համար կատարվող ներդրումների եւ զբաղվածության աճի շնորհիվ շրջանում կստեղծվեն բարենպաստ սոցիալ-տնտեսական պայմաններ:
Նախարարի տեղակալը շեշտեց նաեւ, որ ԱԷԿ-92 նախագիծը բացառում է Ճապոնիայում տեղի ունեցած երկրաշարժի եւ ցունամիի պատճառով միջուկային կայանում ծագած խնդիրներից շատերը: Այդուհանդերձ Արեգ Գալստյանը նշեց, որ Հայաստանի նոր միջուկային էներգաբլոկի նախագծում հաշվի են առնվելու միջազգային միջուկային հանրության կողմից այս իրադարձությունների ուսումնասիրությունների արդյունքում յուրացված դասերը:
