Արմավիրի մարզպետի աշխատակազմ

 ՀՀ Արմավիրի մարզպետ Աշոտ Ղահրամանյանի եւ ծագումով արմավիրցի, սակայն տասնյակ տարիներ Գերմանիայի Դաշնային Հանրապետության քաղաքացի հանդիսացող Զինաիդա Ումլանդ Մացակյանի, ով ղեկավարում է <<Կյանքի ծառ>> հայ-գերմանական հասարակական կազմակերպությունը, անմիջական ջանքերով Արմավիր բժշկական կենտրոնում բացվել է ուրոլոգիական բաժանմունք` հագեցած գերժամանակակից էնդոսկոպիկ վիրահատական ապարատով եւ անհարաժեշտ բժշկական սարքավորումներով:

Համապատասխան բաժանմունքում ինչպես Արմավիրի, այնպես էլ հարակից մարզերի բնակչությանն անհրաժեշտ բժշկական ծառայություններ կմատուցեն բժշկական գիտությունների թեկնածու, ուրոլոգ Հարություն Բուռնաչյանը եւ Էրեբունի բժշկական կենտրոնում վերապատրաստում անցած բուժաշխատողները:

<<Մարզպետ Աշոտ Ղահրամանյանի հանձնարարությամբ բուժումն իրականացվելում է անհամեմատ մատչելի, եւ ապահովելու է միմիայն վիրահատական ինքնարժեքի ծախսերը` խիստ զիջելով մայրաքաղաքի կլինիկաներում առաջարկվող ֆինանսական արժեքին>>, - մարզային ԶԼՄ-ի հետ հանդիպմանը նշեց Հարություն Բուռնաչյանը: Նա տեղեկացրեց նաեւ, որ տասն օր առաջ իրականացրել են առաջին էնդոսկոպիկ վիրահատությունը, եւ առանց հետվիրահատական ախտանիշների հիվանդը դուրս է գրվել: