Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՆՇՎԵՑ ԵՐԵԽԱՆԵՐԻ ԻՐԱՎՈՒՆՔՆԵՐԻ ՊԱՇՏՊԱՆՈՒԹՅԱՆ ՄԻՋԱԶԳԱՅԻՆ ՕՐԸ
01.06.2011
Տարիների ընթացքում ձեւավորված ավանդույթի համաձայն` հունիսի 1-ը` երեխաների իրավունքների պաշտպանության միջազգային օրը, դարձյալ մեծ շուքով նշվեց մարզկենտրոն Արմավիրում` տոնական տրամադրություն հաղորդելով քաղաքի գրեթր բոլոր նախակրթարանների սաներին եւ կրտսեր դպրոցականներին` նրանց օրը դարձնելով ավելի ուրախ ու գունավոր:
Տոնական միջոցառմանը մասնակցում էին` մարզպետ Աշոտ Ղահրամանյանը, Արմավիրի թեմի առաջնորդ Տեր Սիոն եպիսկոպոս Ադամյանը, Արմավիրի քաղաքապետ Ռուբեն Խլղաթյանը:
Երեխաներին իրենց օրվա կապակցությամբ շնորհավորեցին եւ բարեմաղթանքի խոսքեր հղեցին մարզպետը եւ քաղաքապետը, որին հաջորդեց Արմավիրի թեմի առաջնորդի օրհնության խոսքը` ուղղված աշխարհի բոլոր մանուկներին:
Միջոցառումն ուղեկցվեց տոնական համերգով, որի ընթացքում ելույթ ունեցան մանկական երգ ու պարի խմբեր, անհատ կատարողներ:
Միջոցառումն ամփոփվեց կավճանկարների գնահատումով, հաղթողները ժյուրիի կողմից ստացան խրախուսական նվերներ:
