Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

ԽՈՐՀՐԴԱԿՑՈՒԹՅՈՒՆ` ԲՈՒԺՀԱՍՏԱՏՈՒԹՅՈՒՆՆԵՐԻ ՏՆՕՐԵՆՆԵՐԻ ՄԱՍՆԱԿՑՈՒԹՅԱՄԲ

30.06.2011

 ՀՀ Արմավիրի մարզպետի տեղակալ Լարիսա Մուրադյանի մոտ այսօր տեղի ունեցավ ՀՀ Արմավիրի մարզի բուժհաստատությունների տնօրենների հերթական խորհրդակցությունը:

Լ. Մուրադյանը ներկաներին տեղեկացրեց, որ ՀՀ կառավարության` առողջապահական համակարգի բարեփոխման դրամաշնորհային ծրագրի շրջանակներում Չինաստանից Հայաստան բերված 88 շտապօգնութան մեքենաներից երեքը հատկացվել է Արմավիրի մարզին, որից երկուսը տրամադրվելու է Վաղարշապատի հիվանդանոցին, իսկ մեկը` Մեծամորի: Նա կարեւորեց համակարգում տեղի ունեցող բարեփոխումներին ադեկվատ արձագանքման անհրաժեշտությունը` միաժամանակ ընդգծելով, որ բժիշկը պետք է զգոն լինի եւ անմնացորդ նվիրվի իր աշխատանքին` բարձր պահելով եւ իր, եւ իր կազմակերպության հեղինակությունը:

Նա տեղեկացրեց նաեւ, որ օրերս "Մարիոթ" հյուրանոցային համալիրում "ՄԻԴԱՍ" ծրագրի շրջանակում լավագույն գործունեության համար մրցանակների են արժանացել հանրապետությունում առողջության առաջնային պահպանման 30 առողջապահական հաստատություն, որից 10-ն Արմավիրի մարզից:

Լ. Մուրադյանը հայտնեց, որ ուրոլոգների ասոցացիայի նախաձեռնությամբ հուլիսի 1-ին մարզում տեղի կունենա սեմինար-քննարկում, որին կմասնակցեն մարզի վիրաբույժները, ընտանեկան բժիշկները, մաշկավեներոլոգները եւ, իհարկե, ուրոլոգները:

Նրա կողմից անդրադարձ եղավ նաեւ դեղորայքի պահանջարկի մասով ճշգրիտ հաշվարկների իրականացմանը: Նշվեց նաեւ, որ շաքարային դիաբետով հիվանդներին ինսուլինի անհրաժեշտ քանակությունն արդեն իսկ բաշխվել է:
 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-03-28 16:42:49