Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՔՆՆԱՐԿՎԵՑԻՆ ՋՐԱՅԻՆ ՌԵՍՈՒՐՍՆԵՐԻ ԱՐԴՅՈՒՆԱՎԵՏ ՕԳՏԱԳՈՐԾՄԱՆԸ ԵՎ ՊԱՀՊԱՆՄԱՆԸ ՎԵՐԱԲԵՐՈՂ ՀԱՐՑԵՐ
17.08.2011
ՀՀ բնապահպանության նախարար Արամ Հարությունյանն այսօր աշխատանքային այցով գտնվում էր ՀՀ Արմավիրի մարզում: Այցի շրջանակում նախարարն Արմավիրի մարզպետարանում անցկացրեց խորհրդակցություն` մասնակցությամբ մարզպետ Աշոտ Ղահրամանյանի, մարզի քաղաքային եւ գյուղական համայնքների ղեկավարների, մարզպետարանի եւ նախարարության կառուցվածքային ստորաբաժանումների ղեկավարների:
Խորհրդակցության ընթացքում քնարկվեցին Արարատյան դաշտավայրի ստորգետնյա ջրային ռեսուրսների արդյունավետ օգտագործմանը եւ պահպանմանը վերաբերող հարցեր:
Նախարար Ա. Հարությունյանի տեղեկացմամբ այդ ջրային ռեսուրսների արդյունավետ կառավարման եւ փաստացի իրավիճակն արձանագրելու նպատակով ստեղծվել է 10 աշխատանքային խումբ, որոնք մարզպետարանի համապատասխան կառուցվածքային ստորաբաժանումների եւ տեղական ինքնակառավարման մարմինների աշխատակիցների հետ համատեղ իրականացնելու են ուսումնասիրություններ` ըստ հաստատված ժամանակացույցի եւ հարցաշարի: Նախարարն անդրադարձավ նաեւ երկրորդային ջրերի օգտագործմանը:
Մարզպետ Ա. Ղահրամանյանն իր խոսքում կարեւորեց նախաձեռնությունը` նշելով, որ եղած ջրային ռեսուրսները սպառման միտում ունեն, եւ նախատեսվող աշխատանքները միայն կնպաստեն դրանց արդյունավետ շահագործմանը ոչ միայն այսօր, այլ նաեւ հետագայում: Նա պատրաստակամություն հայտնեց աջակցել իրականացվող աշխատանքաներին եւ անհրաժեշտ հսկողություն սահմանել:
