Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՇԱՐՈՒՆԱԿՎՈՒՄ ԵՆ ՄԱՐԶՊԵՏԻ ԱՅՑԵՐԸ ՎԵՐԱՆՈՐՈԳՎՈՂ ԴՊՐՈՑՆԵՐ
19.08.2011
Մարզպետ Աշոտ Ղահրամանյանը վերջին երկու օրերի ընթացքում եղավ մարզի առաջնահերթ խնդիրների լուծման ծրագրով վերանորոգվող բոլոր 16 դպրոցներում:
Մարզպետարանի աշխատակազմի կրթական եւ քաղաքաշինական ոլորտները համակարգող վարչությունների ղեկավարների եւ շինարարական կազմակերպությունների պատասխանատուների ուղեկցությամբ մարզպետ Ա. Ղահրամանյանը ջրջեց կրթօջախներում, ծանոթացավ իրականացված աշխատանքներին:
Եղան դպրոցներ, որտեղ իրականացված աշխատանքները չգոհացրեցին մարզպետին եւ վերջինս հանձնարարեց շինարարական կազմակերպությունների պատասխանատուներին շտկել թերությունները եւ դպրոցները շահագործման հանձնել սահմանված ժամկետներում եւ միայն նախանշված որակական չափանիշներին համապատասխան:
Միաժամանակ նա հորդորեց համապատասխան դպրոցների տնօրեններին իրենց անմիջական ուշադրության կենտրոնում պահել իրականացվող աշխատանքների որակը եւ յուրաքանչյուր օր զեկուցել դրանց ընթացքի մասին:
