Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՄԱՐԶՊԵՏՆ ԸՆԴՈՒՆԵՑ <<ԲԱԶԵ 2011>>-ՈւՄ ԱՐՄԱՎԻՐԻ ՄԱՐԶԻ ՆԵՐԿԱՅԱՑՈՒՑԻՉՆԵՐԻՆ
26.08.2011
Մարզպետ Աշոտ Ղահրամանյանն այսօր ընդունեց <<Բազե 2011>> ամենամյա համահայկական երիտասարդական հավքում Արմավիրի մարզը ներկայացնող երիտասարդներին: Մարզպետը շնորհավորեց նրանց հավաքում հավուր պատշաճի ներկայանալու եւ լավագույն ջոկատ անվանակարգում 1-ին տեղը զբաղեցնելու համար: <<Տեսնելով Ձեզ` ինձ իրավունք եմ վերապահում ասելու, որ մեր երկրի ապագան հուսալի ձեռքերում է: Ես հպարտանում եմ Ձեր բոլորի հաջողություններով եւ ցանկանում եմ, որ միշտ միասնական լինեք, քանի որ Ձեր հաջողությունների գրավականը հենց Ձեր միասնական լինելու եւ այդպիսով բարի ու նվիրական գործերը կյանքի կոչելու մեջ է: Ես եւ իմ աշխատակազմը միշտ պատրաստ ենք աջակցելու Ձեզ>>,- իր խոսքում նշեց մարզպետ Աշոտ Ղահրամանյանը:
Հավաքում լավագույն մասնակցություն ցուցաբերելու համար մի շարք երիտասարդներ արժանացան մարզպետի պատվոգրին:
Երիտասարդները եւս շնորհակալություն հայտնեցին մարզպետ Աշոտ Ղահրամանյանին` նշելով, որ միշտ զգացել են վերջինիս աջակցությունը, որը մեծ նշանակություն է ունեցել նրանց հաղթանակի հարցում:
Հանդիպման ընթացքում քննարկվեցին նաեւ մարզի երիտասարդներին վերաբերող մի շարք հարցեր եւ ծրագրեր:
