Արմավիրի մարզպետի աշխատակազմ

Հայաստանում Ռուսաստանի Անվտանգության դաշնային ծառայության սահմանային վարչության ղեկավար, գեներալ-լեյտենանտ Վիկտոր Վլասովն այսօր  ՀՀ Արմավիրի մարզպետ Աշոտ Ղահրամանյանին ներկայացրեց Հայաստանում Ռուսաստանի Անվտանգության դաշնային ծառայության սահմանային վարչության Արմավիրի սահմանային ջոկատի նորանշանակ հրամանատար, գնդապետ  Ալեքսանդր Զլոբինին:

Մարզպետը շնորհավորեց վերջինիս պաշտոնը ստանձնելու կապակցությամբ` ընդգծելով, որ Արմավիրի սահմանային ջոկատի եւ ՀՀ պետական կառավարման տեղական մարմինների միջեւ ձեւավորվել է կայուն եւ վստահելի փոխգործակցություն, որն իր դրական անդրադարձն է ունենում պետական սահմանի պաշտպանության գործում:

<<Ինչ խոսք, մեր հարաբերությունները դարերի պատմություն ունեն: Մեր պետությունների համար դրանք միշտ կարեւոր նշանակություն են ունեցել եւ տարիների ընթացքում ավելի ու ավելի են ամրապնդվել: Պետական տարբեր օղակներում մեր պարտքն է անել հնարավորը` դրանք պահպանելու համար: Հավատացած եղեք, որ մեր ազգաբնակչությունը մեծ հարգանք եւ վստահություն է տածում սահմանապահների հանդեպ>>,- ամփոփելով իր խոսքը` նշեց մարզպետ Ա. Ղահրամանյանը:

Վիկտոր Վլասովն իր հերթին հավաստիացրեց գոյություն ունեցող փոխգործակցության մասին` կոչ անելով նորանշանակ հրամանատարին հավատարիմ մնալ ձեւավորված ավանդույթներին եւ պահել ու պահպանել դրանք: