Տեղեկատվական կենտրոն
Նորություններ
Ծառատունկ` քաղաքային զբոսայգում
24.11.2011
Մարզպետ Աշոտ Ղահրամանյանն այսօր մասնակցեց Արմավիր քաղաքի զբոսայուգում կազմակերպված ծառատունկին: Այն իրականացվեց Արմավիրի զարգացման կենտրոն հասարակական կազմակերպության /ԱԶԿ ՀԿ/ նախաձեռնությամբ և Արմավիրի մարզպետարանի ինչպես նաև Արմավիրի երիտասարդական բանկի անմիջական աջակցությամբ և օժանդակությաբ:
Քաղաքային զբոսայգում այսօր ծառատունկից զատ նախատեսված էին նաև ընդհանուր բարեկարգման աշխատանքներ, որոնց շրջանակում մաքրվեց զբոսայգու տարածքը, ներկվեցին նստարանները: Այս աշխատանքներին մասնակցում էին տասնյակ դպրոցահասակներ, երիտասարդ կամավորներ, ԱԶԿ ՀԿ-ի ներկայացուցիչներ:
Մարզպետ Աշոտ Ղահրամանյանի փոխանցմամբ` զբոսայգում շուտով ջրագիծ կանցկացվի և տնկված ծառերն անուշադրության չեն մատնվի, դրանք կխնամվեն, իսկ հետագայում դրանց թիվը կավելանա` առավել կանաչապատ և հաճելի միջավայր ապահովելով քաղաքի ազգաբնակչության համար: