Տեղեկատվական կենտրոն
Նորություններ
Մարզպետ Ա. Ղահրամանյանը մասնակցեց Արմավիրի երիտասարդական նախաձեռնությունների կենտրոնի կողմից կազմակերպած միջոցառմանը
29.11.2011
<<Արմավիրի երիտասարդական նախաձեռնությունների կենտրոն>> հասարակական կազմակերպությունն այսօր միևնույն հարկի տակ էր համախմբել մարզի շուրջ 90 երիտասարդների, որոնք տարիների ընթացքում ցուցաբերել են հասարակական, քաղաքական ակտիվություն, մասնակցել են հանրապետական և միջազգային մրցույթների և առանձնանում են իրենց մտավոր կարողություններով: Միջոցառմանը մասնակցեցին նաև մարզպետ Աշոտ Ղահրամանյանը և մարզպետարանի աշխատակազմի ղեկավար Փառանձեմ Կարապետյանը:
Միջոցառման նպատակն էր խրախուսել 2011 թվականին տարբեր բնագավառներում ակտիվություն դրսևորած և հաջողություներ ունեցած երիտասարդներին:
Մարզպետ Աշոտ Ղահրամանյանը կարևորեց նմանատիպ միջոցառումների կազմակերպումը երիտասրդների շրջանում` նկատելով, որ դրանք հրաշալի առիթ են ընձեռում բացահայտելու և գնահատելու մարզում ապրող, նրա հոգսերով մտահոգված, հաջողություններով հպարտացող, միևնույն ժամանակ բանիմաց երիտասարդությանը, որոնք ակտիվ մասնակցություն են ցուցաբերում մարզի քաղաքական և հասարակական զարգացումներին:
<<Դուք Ձեր հայրենասիրությամբ, աշխատասիրությամբ, մասնագիտական գիտելիքների և ձգտման շնորհիվ այսօր մեծ դեր եք խաղում մեր երկրի լուսավոր ապագայի կերտման և հայոց պետականության ամրապնդման գործում>>,- երիտասարդներին ուղղված իր խոսքում նշեց մարզպետ Աշոտ Ղահրամանյանը` նրանց մաղթելով ամուր կամք և նպատակասլացություն:
ՀՀ Արմավիրի մարզում իրականացվող միջոցառումների կազմակերպմանը ցուցաբերած ակտիվության և երիտասարդական ծրագրերին գործուն մասնակցություն ունենալու համար մարզպետ Աշոտ Ղահրամանյանի պատվոգրին արժանացան Արմինե Սահակյանը, Արտակ Առաքելյանը, Գնունի Եփրեմյանը և Արման Մկրտչյանը: Եւս 20 երիտասարդներ պատվոգրեր և խորհրդանշական նվերներ ստացան <<Արմավիրի երիտասարդական նախաձեռնությունների կենտրոն>> հասարակական կազմակերպության կողմից: