Տեղեկատվական կենտրոն
Նորություններ
Վերաբացվեց Արազափ համայնքի մանկապարտեզը
12.12.2011
Արազափ համայնքում այսօր մեծ հանդիսությամբ վերաբացվեց ամբողջությամբ հիմնանորոգված մանկապարտեզի մասնաշենքը, որն այսուհետ իր հյուրընկալ հարկի ներքո կընդունի համայնքի շուրջ 40 երեխաների:
Մանկապարտեզում ստեղծվել են բոլոր պայմանները երեխաների օրն առավել հետաքրքրական և հաճելի դարձնելու համար` տարբեր հեքիաթների հերոսների կերպարներով գունազարդվել են սենյակլները, կահավորվել անհրաժեշտ գույքով և սարքավորումներով, համալրվել ուսումնամեթոդական գրականությամբ, խաղալիքներով և այլ դիտակտիկ-ուսումնական նյութերով:
Մանկապարտեզի հիմնանորոգման համար ներդրվել է շուրջ 25 մլն դրամ, որից 20 մլն դրամը Արազափի համայնքապետարանի և 5 մլն դրամը ''Կրթական ծրագրերի իրականացման կենտրոն'' ծրագրերի իրականացման գործակալության կողմից:
Մանկապարտեզի բացմանը ներկա գտնվեց նաև մարզպետ Աշոտ Ղահրամանյանը: Նա շնորհավորեց համայնքի ազգաբնակչությանն օրվա կապակցությամբ` կարևորելով նախադպրոցական հաստատությունների դերը մատաղ սերնդի կրթության և դաստիարակության գործում: Նա մեծ ուրախությամբ փաստեց, որ այս տարի մարզում շահագործման է հանձնվել 21 նախադպրոցական հաստատություն:
Օրվա կապակցությամբ շնորհավորնաքի խոսք հղեց և վերջին հինգ տարներին համայնքոմ իրականացված լրջագույն աշխատանքների վերաբերյալ ամփոփ տեղեկություն ներկայացրեց Արազափ համայնքի ղեկավար Մանվել Հարությունյանը:
Այնուհետև համայնքի ղեկավարի ուղեկցությամբ մարզպետ Աշոտ Ղահրամանյանը շրջեց մանկապարտեզում, ծանոթացավ իրականացված աշխատանքներին: