Արմավիրի մարզպետի աշխատակազմ

Սիրելի կանայք,

Ի սրտե շնորհավորում եմ Ձեզ գարնանային այս հիասքանչ օրվա` Կանանց տոնի առթիվ:
Այս տոնական օրը ևս մեկ հրաշալի առիթ է մեր երախտիքի և գնահատանքի խոսքերը հղելու Ձեզ՝ Ձեր նվիրումի, հոգատարության, ազգապահպան ու անկոտրում ոգու և ոգեշնչող ներկայության համար։

Դարեր ի վեր Հայ կնոջ առերևույթ փխրուն ու խոցելի կերպարը միշտ զուգորդվել է դժվարությունները հաղթահարելու անսպառ ուժով ու եռանդով:

Նա չի ընկրկել անգամ պատմության ամենածանր պահերին` յուրօրինակ ապավեն դառնալով, հույս ու հավատ ներշնչելով մեր ժողովրդին: Չի դադարել կրթել ու դաստիարակել, պաշտպանել ու բժշկել, ստեղծել ու ստեղծագործել` այդպիսով անսասան պահելով թե ընտանիքի, թե պետության հիմքերը:

Այսօր արդեն ընդլայնվել է Հայ կանանց ներգրավվածությունը հանրային կյանքի բոլոր ոլորտներում, ինչը գովելի է և միանշանակ նպաստելու է մեր պետականության կայացմանը, ամրապնդմանն ու զարգացմանը:

Հայաստան աշխարհի թանկագին մայրեր, տիկնայք, քույրեր և դուստրեր,

Վերստին շնորհավորում եմ Ձեզ Մարտի 8-ի առթիվ և ցանկանում, որ ապրեք առողջ, երջանիկ, Ձեր իսկ երազած իրականության մեջ` շրջապատված անհուն սիրով ու հոգատարությամբ:

Բարին ընդ Ձեզ:

ՀՀ Արմավիրի մարզպետ`
Աշոտ Ղահրամանյան