Տեղեկատվական կենտրոն
Նորություններ
Արմավիր քաղաքի երկու վթարային շենքերի բնակիչների բնակարանային խնդիրներին լուծում է տրվել
02.05.2012
Վարչապետ Տիգրան Սարգսյանն մայիսի 1-ին այցելել է Արարատի և Արմավիրի մարզեր:
Արմավիր քաղաքում վարչապետը հանդիպել է Շահումյան փողոցի թիվ 11 և 13 բնակելի վթարային շենքերի բնակիչներին: Վերջիններս շնորհակալություն են հայտնել կառավարության ղեկավարին՝ իրենց բնակարանային խնդիրներին հետամուտ լինելու և վերաբնակեցման հարցին համապատասխան լուծում գտնելու համար: Առաջիկայում շուրջ 50 ընտանիքներ կտեղափոխվեն Արմավիրի պահածոների գործարանի վարչական շենք՝ վերջինիս վերանորոգումից և բնակարանային հարմարավետ պայմանների ստեղծման աշխատանքների ավարտից հետո:
2011 թվականին կառավարության ղեկավարը հանդիպել էր շենքերի բնակիչներին, լսել նրանց խնդիրները և խոստացել գտնել համապատասխան լուծումներ:
ՀՀ վարչապետի մամուլի գրասենյակ