Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Արմավիրի մարզի Լեռնագոգ համայնքի դպրոցում բացվեց Հայաստանում առաջին ստեղծագործարանը

07.09.2012

Այսօր Հայաստանի մանուկներ հիմնադրամի աջակցությամբ Արմավիրի մարզի Լեռնագոգ համայնքի դպրոցում բացվեց ժամանակակից կրթական միջավայրի բոլոր պահանջներին համապատասխանող դասասենյակ` Ստեղծագործարան: Ստեղծագործարանը 40-50 աշակերտների համար նախատեսված մեծ լուսավոր սենյակ է, որտեղ հատուկ շարժական կահույքը հնարավորություն է տալիս աշակերտներին կատարել ինչպես անհատական, այնպես էլ զույգերով կամ փոքր ու մեծ խմբերով աշխատանք:

Բացման արարողությանը ներկա էին և ողջույնի խոսքով հանդես եկան Արմավիրի մարզպետ Աշոտ Ղահրամանյանը, Կրթության և գիտության փոխնախարար Մանուկ Մկրտչյանը: Մարզպետը շնորհավորեց դպրոցի տնօրինությանն ու աշակերտներին` նշելով. <<Թող այս առաջնակարգ կրթարանը միշտ գերազանց ծառայի իր նպատակին ու լինի ձեր գիտելիքների անսպառ աղբյուրը>>:
Ներկայացնելով Ստեղծագործարանի գաղափարը` Հայաստանի մանուկներ հիմնադրամի տնօրեն Սերոբ Խաչատրյանն ասաց. <<Այսօրվա աշակերտները չեն սիրում միապաղաղ և միօրինակ դասեր, և դպրոցական գրավիչ միջավայրը կարող է մեծապես խթանել ուսման գործընթացում բազմատեսակ աշխատանքների կատարումը>>:  
Հուսանք, որ 21-րդ դարի մոդել այս Ստեղծագործարանը, իրոք, կդառնա սերնդի կրթական, ինչպես նաև ստեղծագործական ունակությունների դրսևորման փայլուն միջավայր: 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2019-10-22 17:55:11