Արմավիրի մարզպետի աշխատակազմ

Սարդարապատ համայնքի միջնակարգ դպրոցում այսօր մեկնարկեց "Գերմաներեն լեզվի դիպլոմ" ծրագիրը, որի շրջանակներում դպրոցի սաները հանձնելով քննություններ գերմաներեն լեզվով`այսուհետ հնարավորություն կունենան ուսումը շաարունակելու Գերմանիայի Դաշնային Հանրաապետության /ԳԴՀ/ բարձրագույն ուսումնական հաստատություններում:

Նշենք, որ Սարդարապատ համայնքի միջնակարգ դպրոցն արդեն երրորդ տարին է, ինչ համագործակցում է ԳԴՀ Սաքսոնյա Անհատ նահանգի Հալե քաղաքի Հանս Քրիստիան Ռայլի անվան գիմնազիայի հետ: Այս տարիներին իրականացվել են փոխայցելություններ, որոնք նպաստել են ձևավորված հարաբերությունների ամրապնդմանն ու զարգացմանը, հնարավորություն ընձեռել հաղորդակից դառնալու ազգային ավանդույթներին, սովորույթներին, կենցաղավարության կանոններին ու բարքերին:

Դպրոցում "Գերմաներեն լեզվի դիպլոմ" ծրագրի մեկնարկն ազդարարվեց խորհրդանշական ցուցատախտակի բացմամբ, որի բացումը վերապահվեց մարզպետ Աշոտ Ղահրամանյանին և Սաքսոնյա Անհատ նահանգի կրթության և մշակույթի նախարար Շտեֆան Դոռգեռլոհին: Նրանց կողմից բարձր գնահատեցվեց երկու կրթօջակների միջև ձևավորված հարաբերությունները, որոնք հասել են բարձր մակարդակի և նման ծրագրի մեկնարկման հիմք են հանդիսացել: